Մանկագրություն, Մարիանա Պէրթիզլեան-Ղազարեան

ԱԲԳԱՐԻ ՀՐԱՒԷՐԸ

Փոքրիկ գեղեցիկ
Լուսաւոր  քաղաք մը ունիմ
Որ բաւարար է ինծի եւ քեզի։
Ես՝ Աբգար Արշամի, աշխարհի իշխան
Ողջոյն Յիսուսին
Քեզ Կը ճանչնամ առանց տեսնելու
Դուն Աստուած ես
Կամ Աստուածորդի

Դուն եւ ես սիրով
Ապրինք միասին
Փոքրիկ գեղեցիկ մեր Եդեսիոյ մէջ
Ու զիս բժշկէ։

Դափնիներս
Օծեալիդ ընծայ
Քեզ կը հրաւիրեմ
Փոքրիկ գեղեցիկ մեր այս քաղաքը

Մնանք միասին
Որ աստղերը մեղեդի սփռեն
Համանուագը անոնց
Թող լսուի հեռուէն

Փոքրիկ գեղեցիկ քաղաք մը ունիմ
Որ բաւարար է ինծի եւ քեզի


Գրուած Խորենացիի «Պատմութիւն Հայոց»-ի բնագրի հիման վրայ

ՍԻՐՈՅ ԾԻԱԾԱՆ

Բարի ծիածան

Դուն մանուկներուս

Բեր նոր երազներ

Ու խաղաղ երկինք

Պարգեւէ մեզի

Գոյներովդ պերճ

Ուրախացուր մեզ

Յոյսերով լեցուն

Ցնծացող երկինք

Լոյսով ստեղծէ

Գունաւոր ծառեր

Ու կարմիր արեւ

Կանաչ լեռներով

 Բարի ճամբաներ

Գծագրէ սիրով

Գոյներով պերճ  գունաւոր ծառեր

Երազներով շողշողուն բարի ճամբաներ

Ու խաղաղ երկինք

Բեր մեզի սիրոյ ծիածան

ԾԱՌԸ

Ծառը սէր է

Մեր Աստծոյն, մեզի ուղղուած սէրն իմաստուն։

Ծառը խինդն է

Մոլորակի մեզ պարգեւած ցնծումը յորդ։

Ծառը խոհն է

Սրտի ծալքերն արտայայտող, Արարիչին։

Ծառը լոյսն է

Այս մեր երկրին, միշտ նորոգուող յարատեւող։

Ծառն աղօթք է,

Երկինք ուղղուած, միշտ բարձրացող ու միշտ շնչող։

Ծառը կեանք է

Գաղտնիքն անոր յարատեւող մասնիկը սուրբ։

․․․․․․․․

Երկինքին

Ուրիշ աշխարհ մը կայ հոն

Ուր աստղերը կը պարեն

Ու ծառերը կը ծափեն

Արեգակն ալ միշտ կ՛երգէ։

Անվերջ հարսանիք է հոն

Հրաւիրուած բոլորը

Արեւի ջերմ շողերուն

Կարօտ հոգիս կը ցնծայ։

Շողա՛,շողա՛ արեգակ

Այսօր տօնն է հոդիիս

Տկարութեան զօրացման

Արշալոյսին կը սպասեմ։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով