ՀԱՍԿԵՐ, Մրցույթներ

Իմ շրջված երազը

Մի անգամ տղան պառկեց քնելու։ Երազում տեսավ, որ ինքը քայլում էր շրջված աշխարհում և տեսավ մի շուն, որը շրջված էր։ Նա շատ վախեցավ, բայց շունը սկսեց մարդու նման խոսել․

-Մի՛ վախեցիր, բալի՛կ, ես չեմ կծի , ես կծել չգիտեմ, ոչ էլ հաչալ գիտեմ։

 Տղան հանգստացավ և ուրախ-ուրախ անցավ առաջ։ Հիմա էլ տեսավ մի մարդու, որ քայլում էր ձեռքերի վրա ու ոտքերով բռնել էր հեռախոսը։

 -Դուք ո՞վ եք,- վախեցած հարցեց տղան։

-Սովորական մարդ եմ, չե՞ս տեսնում,-պատասխանեց շրջված մարդը։

Տղան շնչակտուր փախավ, մեկ էլ հանկարծ հանդիպեց մի աղջկա։ Նա աչքերին չէր հավատում, աղջիկը գլխիվայր շրջված չէր։

-Բարև Ձեզ, ներեցեք, ո՞վ եք Դուք,-կմկմալով հարցրեց տղան։

 -Ես Արփին եմ ,-ասաց աղջիկը։

Տղան հարցրեց․

-Բա որտեղի՞ց հայտնվեցիք այստեղ։

-Ես «Մխիթար Սեբաստացի» կրթահամալիրից եմ եկել, ուսուցչուհին ասել է, որ «Շրջված երազը» թեմայով հորինուկ գրեմ։

-Վա՜յ, ես էլ եմ դրա համար եկել․․․ Փաստորեն մենք նույն դպրոցից ենք և ունենք ամենալավ ուսուցչուհին,- ուրախացավ տղան։

-Արփի՜, արի,-լսվեց մի ձայն։

-Ահա՜, ընկեր Քրիստինեն է կանչում,- ասաց Արփին։

-Հրա՜նտ, արթնացիր, արդեն շատ ուշ է,- լսվեց մայրիկիս ձայնը։

Ես արթնացա, լվացվեցի,շտապեցի դպրոց․․․

 Արփին ոչինչ չգիտեր իմ շրջված երազի մասին։

Հրանտ Ազարումյան

 «Մխիթար Սեբաստացի» կրթահամալիր,

Արևմտյան դպրոց 3.2 դասարան

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով